[GAL] O xoves 24 de abril o ECRIM organizou un Seminario internacional sobre Xustiza Restaurativa na Faculdade de Dereito da Coruña.
Daniel Achutti
O Seminario iniciouse coa ponencia presentada por Daniel Achutti, Doutor en Dereito pola Universidad de Leuven (Bélxica) e profesor da UniLassalle (Canoas, Rio Grande do Sul, Brasil), quen disertou sobre “Justtiça restaurativa e criminologia crítica no caso brasileiro“, reflexionando sobre o inserimento de propostas semellantes á xustiza restaurativa no pensamento de autores abolicionistas como Louk Hulsman ou Nils Christie.
De esq. a dta.: Raffaella Pallamolla, Daniel Achutti
Posteriormente o debate se centrou nas experiencias de xustiza restaurativa postas en marcha en Brasil. O tema foi abordado por Raffaella Pallamolla, Mestre pola PUCRS (Rio Grande do Sul, Brasil) e doutoranda da Universidade Autónoma de Barcelona, que presentou a ponencia “Teoria e práctica da justiça restaurativa no Brasil“. Na súa ponencia, a investigadora brasileira salientou os logros, pero sobre todo os limites, da xustiza restaurativa na súa aplicación práctica.
De esq. a dta.: Xulio Ferreiro, Beatriz Cruz, Luz María Puente
Posteriormente, e antes de dar inicio ao debate entre os profesores e investigadores participantes, Xulio Ferreiro, profesor de dereito procesual da Universidade da Coruña, e membro do ECRIM, oficiou de respondent, abrindo o debate cunha reflexión sobre as potencialidades e os límites da xustiza restaurativa.
