Posts Tagged traballo sexual

Seminario #UniversidadSinCensura: Prostitución, Trata e Traballo Sexual na UDC

Sunday, October 20th, 2019

Cartel Xornadas Traballo Sexual ECRIM

 

 

 

 

 

 

 

 

 

 

 

 

 

[GAL] O venres 18 de outubro o ECRIM organizou na Facultade de Dereito da Coruña o Seminario “Prostitución, trata e traballo sexual a debate na UDC.

O Seminario, presentado por José Antonio Ramos, abriuse cunha ponencia de Silvia Rodríguez López (ECRIM, Universidade da Coruña), titulada “A muller migrante nas políticas públicas contra a trata de seres humanos con fins de explotación sexual. Entre a axencia e a vulnerabilidade“.

IMG-20191018-WA0009De esqda. a dta.: Cristina Fernández Bessa, Silvia Rodríguez López

Con posterioridade, Cristina Fernández Bessa (ECRIM, Universidade da Coruña) presentou a ponencia “Persecución e vulneración de dereitos das traballadoras sexuais que captan á súa clientela no espazo público. Perspectivas e demandas das implicadas“.

IMG-20191018-WA0002

De esqda. a dta.: Cristina Fernández Bessa, Silvia Rodríguez López

O Seminario foi a actividade inaugural da campaña Debates universitarios sobre trabajo sexual. #UniversidadSinCensura”, organizada por centros e equipos de investigación de 20 universidades españolas. A campaña xurde tras a cancelación dunhas xornadas sobre traballo sexual na Universidade da Coruña en setembro pasado, e ten como obxectivos abrir un espazo para o debate libre no eido académico sobre o traballo sexual desde posturas pro-dereitos e, en termos xerais, diferentes ás abolicionistas.

DebatesUniversitariosADEFINITIVO-minDebatesUniversitariosBDEFINITIVO-min

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Curso sobre traballo sexual, desde unha perspectiva de xénero

Sunday, September 11th, 2011

Entre os días 7 e 9 de setembro celebrouse na Facultade de Dereito da UDC o seminario “O traballo sexual desde unha perspectiva de xénero, no tempo da emerxencia da industria do sexo“. O seminario, organizado polo grupo de investigación ECRIM en colaboración coa Oficina para a Igualdade de Xénero da UDC, formou parte dos cursos de verán oficiais da Universidade.

O seminario, continuación dun primeiro Curso sobre Novos Feminismos organizado pola OIX da UDC en setembro de 2010, pretendeu aproximarse á complexidade presente do traballo sexual no marco de varias cuestións que definen a súa contemporaneidade: a loita contra a trata para fins de explotación sexual como obxectivo principal das actuais políticas en materia de xénero, a consolidación dunha maioría de migrantes (sen ou con papeis) entre as traballadoras sexuais, e a expansión dunha industria do sexo na que a mercadoría sexual diversifica os seus produtos, materiais e inmateriais.

De esq. a dta.: José Ángel Brandariz, Michele Burman

De esq. a dta.: José Ángel Brandariz, Nanina Santos

Mércores, 7 de setembro

A primeira sesión do seminario se abriu coa intervención de Michele Burman, da Universidade de Glasgow (Escocia), e codirectora do The Scottish Centre for Crime & Justice Research. A profesora escocesa presentou a ponencia “Aproximación á regulación da prostitución en Europa occidental, con especial atención ao Reino Unido“.

Posteriormente interviu Nanina Santos Castroviejo, recoñecida militante feminista e integrante da Revista Andaina (Vigo). Nanina Santos complementou a intervención precedente, cunha ponencia sobre “Situación presente da prostitución no contexto español“.

De esq. a dta.: Laura Oso, Dolores Juliano


Monika Platek

De esq. a dta.: Luz María Puente, Agustina Iglesias

De esq. a dta.: Alberto Daunis, Agustina Iglesias

Xoves, 8 de setembro

A segunda sesión do seminario abriuse coa intervención de Dolores Juliano, coñecida antropóloga e especialista na materia. A hoxe profesora retirada da Universidade de Barcelona disertou sobre “Transformacións da prostitución e do traballo sexual na era da emerxencia da industria do sexo“.

A continuación tomou a palabra outra convidada internacional: Monika Platek, da Universidade de Varsovia (Polonia). A profesora polaca contemplou a materia desde un contexto xeográfico ben diferente aos anteriores, na súa ponencia “Problemática das actividades de trata de mulleres. Especial atención á situación no Leste de Europa“.

Tamén dentro da sesión de tarde, Agustina Iglesias Skulj, da Universidade da Coruña (ECRIM) retornou ao contexto mais propiamente español, intentando deslindar as confusións que frecuentemente se establecen nas políticas públicas entre trata e tráfico, e entre trata e prostitución, na súa ponencia “Políticas públicas de loita contra a trata de mulleres no contexto español: luces e sombras“.

A sesión se pechou coa intervención de Alberto Daunis Rodríguez, da Universidade de Málaga, que realizou unha aproximación mais empírica á situación do traballo sexual. No seu caso, presentou a ponencia “Cuestións claves da prostitución e da trata de persoas. Aproximación ao caso andaluz“.

De esq. a dta.: Eva María Souto, José López Riopedre

No centro da imaxe, de esq. a dta.: Cristina Fernández Bessa, José Antonio Ramos, Ana Fábregas

De esq. a dta.: Cristina Fernández Bessa, José Antonio Ramos

Venres, 9 de setembro

A última sesión do seminario iniciouse coa intervención de Carolina Villacampa Estiarte, da Universidade de Lleida. A súa ponencia, titulada “Análise das políticas de criminalización da prostitución“, supuxo un novo punto de vista na aproximación ás políticas públicas actualmente desenvolvidas polo goberno español na materia.

A seguinte intervención correu a cargo de José López Riopedre, avogado e Doutor en Socioloxia. Dentro das intervencións que tiveron como foco de interese a análise empírica da realidade do traballo sexual, o Dr. López Riopedre presentou os resultados do seu traballo na ponencia “Situación actual da prostitución no contexto galego“.

O seminario concluiu cunha mesa redonda, tamén dedicada sustancialmente á aproximación empírica ao fenómeno. Na mesa redonda, titulada “Xeitos de regulación da prostitución na práctica. Aproximación ao caso catalán” interviron Cristina Fenández Bessa, investigadora do OSPDH da Universidade de Barcelona, e Ana Fábregas Martínez, integrante da Asociación Genera (Barcelona).

Curso sobre traballo sexual, desde unha perspectiva de xénero

Friday, August 19th, 2011

Os dias 7 a 9 de setembro vai ter lugar na Facultade de Dereito o curso “O traballo sexual desde unha perspectiva de xénero, no tempo da emerxencia da industria do sexo“. O curso está organizado conxuntamente polo grupo de investigación ECRIM e a Oficina para a Igualdade de Xénero da UDC, e forma parte dos Cursos de Verán 2011 da Universidade.

Mais información, e matrícula: http://www.udc.es/occ/gal/2011/cveran/cursos2011/matricula2011.htm

Programa

Mércores, 7 de setembro:

16:00: Inauguración.
16:30 horas: “Aproximación á regulación da prostitución en Europa occidental, con especial atención ao Reino Unido“, Dª. Michelle Burman, University of Glasgow (Reino Unido).
18:00: “Situación presente da prostitución no contexto español“, Dª. Nanina Santos Castroviejo, especialista en materia de prostitución (Revista Andaina).

Xoves, 8 de setembro:

10:00: “Transformacións da prostitución e do traballo sexual no era da emerxencia da industria do sexo“, Dª. Dolores Juliano Corregido, Universidade de Barcelona.
11:30:  “Transformación da prostitución e do traballo sexual no tempo da inserción masiva das mulleres migrantes“, Dª. Jo Doezema, University of Sussex (Reino Unido).
13:15: Presentación de comunicacións.
16:00: “Problemática das actividades de trata de mulleres. Especial atención á situación no Leste de Europa“, Dª. Monika Platek, University of Warsaw (Polonia).
17:30: “Políticas públicas de loita contra a trata de mulleres no contexto español: luces e sombras“, Dª. Agustina Iglesias Skulj, Universidade da Coruña.
19:00: “Cuestións claves da prostitución e da trata de persoas. Aproximación ao caso andaluz“, D. Alberto Daunis Rodriguez, Universidade de Málaga.

Venres, 9 de setembro:

10:00: “Análise das políticas de criminalización da prostitución“,  Dª. Carolina Villacampa Estiarte, Universidade de Lleida.
11:30: “Situación presente da prostitución no contexto galego“, D. José López Riopedre, Doutor en Socioloxía (Lugo).
13:00: Presentación de comunicacións.
16:00: Mesa redonda sobre “Os xeitos de regulación da prostitución na práctica. Especial aproximación ao caso catalán“.

Participantes: Dª. Isabel Holgado Fernández, Antropóloga, Colectivo LICIT (Barcelona); Dª. Cristina Fernandez Bessa, Universidade de Barcelona; Dª. Ana Fabregas Martinez, Asociación Genera (Barcelona).

18:00: Debate conclusivo. Clausura do Curso.